నల్లగొండలో ఘనంగా పోలీసు అమరవీరుల సంస్మరణ కార్యక్రమం
నల్లగొండ (విజయ కెరటం):
నల్లగొండ జిల్లా పోలీసుల ఆధ్వర్యంలో నిర్వహించనున్న పోలీసు అమరవీరుల సంస్మరణ కార్యక్రమానికి అధికారులు ఏర్పాట్లు చేశారు. ఈ కార్యక్రమానికి రాష్ట్ర రోడ్లు, భవనాలు, సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి ముఖ్య అతిథిగా హాజరుకానున్నారు.
కార్యక్రమంలో భాగంగా ఉదయం 8:40 గంటలకు పరేడ్ ప్రారంభమవుతుంది. 8:45 గంటలకు జిల్లా ఎస్పీ శరత్ చంద్ర పవార్ ఐపీఎస్‌కు గౌరవ వందనం సమర్పించనున్నారు. ఉదయం 8:50 గంటలకు జిల్లా కలెక్టర్ బడుగు చంద్రశేఖర్ ఐఏఎస్, 8:55 గంటలకు మంత్రి కోమటిరెడ్డి వెంకట్ రెడ్డికి గౌరవ వందనం సమర్పిస్తారు.
ఉదయం 9 గంటలకు పోలీసు అమరవీరుల స్మారక గ్రంథాన్ని మంత్రికి అందజేయనున్నారు. అనంతరం 9:10 గంటలకు జిల్లా ఎస్పీ శరత్ చంద్ర పవార్, 9:20 గంటలకు జిల్లా కలెక్టర్ బడుగు చంద్రశేఖర్ ప్రసంగిస్తారు. 9:25 గంటలకు మంత్రి కోమటిరెడ్డి వెంకట్ రెడ్డి పరేడ్‌ను ఉద్దేశించి మాట్లాడతారు.
ఉదయం 9:35 గంటలకు అదనపు ఎస్పీ (అడ్మిన్) పోలీసు అమరవీరుల పేర్లను చదివి వినిపిస్తారు. 9:45 గంటలకు మంత్రి, జిల్లా కలెక్టర్, జిల్లా ఎస్పీతో పాటు ఇతర అధికారులు అమరవీరుల స్మారక స్థూపం వద్ద పుష్పగుచ్ఛాలు ఉంచి నివాళులర్పిస్తారు.
ఉదయం 9:55 గంటలకు ‘లాస్ట్ పోస్ట్’ బగుల్ ధ్వనితో అమరవీరులకు గౌరవ వందనం సమర్పిస్తారు. 10 గంటలకు రెండు నిమిషాల పాటు మౌనం పాటిస్తారు. 10:03 గంటలకు ‘రౌజ్’ బగుల్ ధ్వనితో పరేడ్‌లో పాల్గొన్న అధికారులు గౌరవ వందనం సమర్పిస్తారు. అనంతరం 10:05 గంటలకు పరేడ్ ముగింపు ప్రక్రియ ప్రారంభమవుతుంది. ఆ తర్వాత అల్పాహార కార్యక్రమం ఉంటుంది.
పోలీసు అమరవీరుల త్యాగాలను స్మరించుకుంటూ వారి సేవలను గౌరవించడం ఈ కార్యక్రమం ప్రధాన ఉద్దేశం.
