హైదరాబాద్ పరిధిలో ఇందిరమ్మ ఇళ్ల నిర్మాణానికి ప్రభుత్వం భారీగా సన్నాహాలు చేస్తోంది. మొత్తం 16 నియోజకవర్గాల్లో 7,340 ఇళ్ల నిర్మాణానికి 35,125 దరఖాస్తులు వచ్చాయి.
ఈ నెల 10లోగా అప్లికేషన్ల పరిశీలన పూర్తిచేసి, లబ్ధిదారుల ఎంపిక ప్రక్రియను ముందుకు తీసుకెళ్లేందుకు అధికారులు చర్యలు చేపడుతున్నారు.
లబ్ధిదారుల ఎంపిక కోసం ఈ నెల 20 నుంచి లాటరీ నిర్వహించే అవకాశం ఉంది. ఇందిరమ్మ ఇళ్ల పనుల ప్రారంభానికి టెండర్ల ప్రక్రియను కూడా ప్రభుత్వం చేపట్టనున్నట్లు సమాచారం.
