తెలంగాణ రెడ్డి సంఘం రాష్ట్ర కార్యదర్శిగా బొబ్బిలి ప్రకాష్ రెడ్డి
పదవి కాదు.. బాధ్యతగా భావిస్తున్నా.. వెనుకబడిన వర్గాల హక్కులు, విద్యార్థుల సంక్షేమానికి కృషి చేస్తా
నల్గొండ (విజయ కెరటం): తెలంగాణ రెడ్డి సంఘం రాష్ట్ర కార్యదర్శిగా నల్లగొండ మండలం రాములబండ గ్రామానికి చెందిన బొబ్బిలి ప్రకాష్ రెడ్డి నియమితులయ్యారు. చిన్నప్పటి నుంచే సామాజిక సేవా కార్యక్రమాల్లో చురుకుగా పాల్గొంటూ, ఆపదలో ఉన్నవారికి తనవంతు సహాయం అందిస్తున్న ఆయనకు రాష్ట్రస్థాయి బాధ్యతలు అప్పగించడంతో పలువురు హర్షం వ్యక్తం చేస్తున్నారు.
పదవి కాదు.. బాధ్యతగా భావిస్తున్నా!
రాష్ట్ర కార్యదర్శిగా తన నియామకంపై ప్రకాష్ రెడ్డి మాట్లాడుతూ, ఈ పదవిని హోదాగా కాకుండా బాధ్యతగా భావిస్తున్నానని తెలిపారు. తనపై నమ్మకంతో బాధ్యతలు అప్పగించిన రాష్ట్ర అధ్యక్షుడు బద్దూరి వెంకటేశ్వర్ రెడ్డికి, సంఘం నాయకులకు కృతజ్ఞతలు తెలిపారు. సంఘం ఆశయాలకు అనుగుణంగా పనిచేస్తూ, సభ్యుల మధ్య ఐక్యతను పెంపొందించి సంఘాన్ని బలోపేతం చేసేందుకు కృషి చేస్తానని పేర్కొన్నారు.
వెనుకబడిన వర్గాల హక్కుల కోసం పోరాటం
సామాజికంగా, ఆర్థికంగా వెనుకబడిన రెడ్డి వర్గాల అభ్యున్నతికి ప్రాధాన్యం ఇస్తానని ప్రకాష్ రెడ్డి తెలిపారు. రిజర్వేషన్లు, విద్యార్థుల ఉపకార వేతనాలు, ఉన్నత విద్యావకాశాలు, ఆర్థికంగా వెనుకబడిన కుటుంబాలకు చేయూత వంటి అంశాలపై సంఘం తరఫున కృషి చేస్తానన్నారు. అర్హులైన విద్యార్థులకు ప్రభుత్వ పథకాలు, ఉపకార వేతనాలపై అవగాహన కల్పించి, వాటి ప్రయోజనాలు అందేలా ప్రయత్నిస్తానని చెప్పారు.
సంఘం బలోపేతమే లక్ష్యం
రాష్ట్రవ్యాప్తంగా తెలంగాణ రెడ్డి సంఘం కార్యకలాపాలను విస్తరించడం, యువతను సామాజిక సేవలో భాగస్వాములను చేయడం, ప్రజా సమస్యలను సంబంధిత అధికారుల దృష్టికి తీసుకెళ్లడం తన ప్రాధాన్యతలని వివరించారు. నాయకులు, సభ్యుల సహకారంతో సమష్టిగా పనిచేస్తూ సంఘం అభివృద్ధికి, సామాజిక సంక్షేమానికి కృషి చేస్తానని ప్రకాష్ రెడ్డి స్పష్టం చేశారు.
రాష్ట్ర కార్యదర్శిగా తనపై ఉంచిన నమ్మకాన్ని నిలబెట్టుకుంటూ, వెనుకబడిన వర్గాల అభ్యున్నతి, విద్యార్థుల సంక్షేమం, సంఘం అభివృద్ధి కోసం అంకితభావంతో పనిచేస్తానని తెలిపారు. ఆయన నూతన బాధ్యతలు విజయవంతం కావాలని పలువురు శుభాకాంక్షలు తెలియజేశారు.
